苑瓊丹內地掘金做直播帶貨 狂食百幾隻大閘蟹搵命搏：背脊骨痛 #苑瓊丹

苑瓊丹（苑仔）今晚（30/1）現身圓方出席電影《毒舌大狀》演藝界場。提到近年在內地掘金做直播帶貨，賺得盤滿缽滿。她接受《香港01》訪問時說：「其實我都 ...

苑瓊丹（苑仔）今晚（30/1）現身圓方出席電影《毒舌大狀》演藝界場。提到近年在內地掘金做直播帶貨，賺得盤滿缽滿。她接受《香港01》訪問時說：「其實我都唔知點解，突然之間對呢行好有興趣，都令我推咗好多嘅工作，因為我想專心做好直播先，其實做直播帶貨其實唔係一件容易嘅事，亦唔好以為錢好易搵，我哋係要靠把聲，而且試過講十個鐘，係講到我成個背脊啲骨痛，咁所以我係好想去挑戰佢，想做好一番成績，呢個唔係錢嘅問題，而係面子問題。」

講起做直播帶貨辛酸史，苑仔不得不提和細細粒（陳嘉佳）一起經歷的慘況：「有一日我同佢一齊做直播帶貨，主要賣陽澄湖大閘蟹，負責人蒸咗三百隻大閘蟹俾我哋做直播嘅時候食，我一聽到都好愕然，心諗唔係啩老細。到最後我和細細粒係食咗二百幾隻大閘蟹。所以話大家見到直播帶貨行業，睇落好風光好亮麗嘅表面，其實我哋為做好件事，大家都係豁晒出去，好彩之後大家身體都冇乜事。」

本文作轉載及備份之用 來源 source: http://www.hk01.com

鍾意就快D Share啦！

下一篇 》