龔嘉欣今日（05/2）出席劇集宣傳活動，她直言劇集播出期間當然想大家聚焦在劇情以及角色身上，而不是緋聞，她身邊的朋友，甚至家人亦絕少問起。她說：「身邊朋友睇到最多都係send報道畀我，不過佢哋好少過問，我都知大家係緊張我。屋企人從來都唔會問。」
問到她單身了好一陣子，想不想有男朋友錫？她回答：「我好細會set 啲目標，幾多歲結婚，但係而家好似好難去計劃。每日發現嘅事太多，好多驚喜，所以好難去plan時間表，但係我自己係一個對感情好認真嘅人。（如果）有對象，我目標都係諗結婚然後有一個家庭。我以前set過25歲同埋30歲（結婚），但係好似都唔work，已經過咗，所以而家唔set啦。」
她坦言，自己還是相信「緣份」這回事，認為緣份到，真命天子就會出現，在緣份來到之前，就先發展事業。她說：「我而家都係30頭，仲有時間畀我去增值自己，更加去進步。」如果要等到60歲才有真愛呢？她爽快的回答：「唔緊要㗎，所有嘢都係緣份安排，但係而家真係仲有事業去衝。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|