.
第41屆香港電影金像獎入圍名單尋日（9日）公布，當中張繼聰繼入圍金馬獎影帝後，今次再越級挑戰影帝寶座，同時亦入圍最佳男配角，雙料入圍認真威威，而佢太太謝安琪亦坐定定睇入圍名單直播，戥老公緊張埋一份！不過最好笑係佢發文提到，自己本身沖定杯咖啡畀老公，不過最後佢自己飲番當慶祝：「第41屆香港電影金像獎入圍名單公布，一路睇直播，睇到手都震埋🙈要沖杯咖啡，定一定神。本來諗住沖畀張先生飲先，依家留畀自己飲番，慶祝一下開心一下先😜恭喜張先生雙料入圍❤️最佳男主角及最佳男配角🔥🔥」同時佢仲晒出兩張同咖啡機嘅合照，沖咖啡畀老公忽然變自己影靚相，新Post又有索相贈網友，睇嚟佢先係最大「贏家」！
而同樣入圍金像獎最佳女配角嘅女神林明禎，就自爆聽到入圍消息時，佢興奮到喺屋企尖叫，嚇親鄰居：「今天隔壁鄰居應該以為我發生甚麼事了吧？原來我可以有如此多種分貝的海豚音。謝謝金像獎，這真是給了我莫大的肯定，我竟有幸可以同這麼多優秀演員一起入圍🙏」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
