憑《潮什麼》系列人氣急升，被封「人妻女神」的梁芷珮，因為要經常出國工作，所以機鐵站對她來說非常緊要。原本，住在青衣七百多呎單位的她，由於三個仔女而要租住九龍站、月租約四萬的近千呎海景單位，她坦言：「其實，我同老公一個月只得五日左右喺香港，所以小朋友經常會自己出街，最緊要俾佢哋方便。我除咗做旅遊節目，仲有做好多KOL工作，兩年前仲開咗旅行社添！啲錢好辛苦咁搵番嚟o架。」
這個充滿家庭溫暖、五星級的家，到處擺放了不同國家的紀念品，全部是他們的戰績。雖然人人羨慕他們月月去旅行又可以賺錢，但是這些全是用不少血與汗換來的，有幾次更貼近生死邊緣。
因為Christy與老公經常周圍飛，所以每次返到香港，有九成時間都是留在家裏陪伴三名子女。
天資聰穎的Brendon，除了讀書叻之外，彈琴亦都非常了得，還高大又靚仔，絕對可以繼續母業。
人妻女神
現年四十歲的梁芷珮（Christy），早於二十年前已經做旅遊雜誌的o靚模，比周秀娜更早入行；不過戀愛至上的她，兩年後就結婚，婚後還誕下三個小朋友，如今大仔Brendon已經十九歲、二仔Duncan 十一歲；另孻女Kasey都已經九歲，一家五口樂也融融！這位開通的媽咪，完全放手給子女自由發展，由於她與老公要經常四圍飛；而喜歡帶着子女一起去拍攝的她，於是安排子女入讀國際學校，Christy笑說：「國際學校思想比較開通，校長、老師知道我哋帶小朋友出去旅行見識，都舉腳贊成，覺得小朋友多啲出外睇嘢係最好嘅，所以我哋能夠帶佢哋一齊出發，讀萬卷書不如行萬里路，我哋實踐緊。」
從來不介意別人目光、我行我素的Christy，自爆曾住過劏房；不過，由一六年開始自製旅遊節目《潮什麼》系列後，她便被封「人妻女神」，人氣急升，拍劇、廣告等蜂擁而至。現時身家倍升的她，以月租約四萬，進駐了九龍站上蓋、近千呎的海景戶。原來，這並不是虛榮心作祟，全因為三個小朋友，她坦言：「我同老公一個月最多留喺香港一個禮拜，三個細路點算？基本上間屋係租俾佢哋住，重點係我哋唔喺身邊，唔能夠接送佢哋，所以一定要俾佢哋交通方便，加上呢度亦都好方便我哋去機場。」
被發現升呢住豪宅，有「萄葡友」就大呼：「拍旅遊節目拍到住豪宅？」 Christy直言：「呢度我哋只係租嘅，再加上我哋一開始唔係住喺度，以前我哋住東涌，之後搬咗去青衣，呢兩年先搬嚟呢度。其實除咗拍旅遊節目之外，我仲有做KOL工作，又拍廣告，仲有旅行社添，我都好勤力o架。」形象健康的她，有傳去年的廣告收入已經過逾百萬元，四萬月租簡直濕濕碎。
十九歲的大仔Brendon，現時就讀港大的新聞系，由於要專心讀書，所以他近年甚少跟父母出國拍攝。
家庭觀念很重的Christy，全屋最「吸睛」的地方，便是一家五口的生活照及出國旅行的相。
|
鍾意就快D Share啦！
|
|
|