周潤發（發哥）雖然係國際影星，不過生活貼地，為人親民，好熱愛運動，經常約埋一大班好友去行山，除此之外，發哥仲係愛狗之人，近日網上瘋傳一張發哥推住狗狗坐渡海小輪嘅舊照，佢呢個舉動獲得網民一致好評！呢張相係2017年嗰陣，發哥響應動物保護組織活動，喺碼頭主動幫手推車仔，送多隻流浪狗仔上岸，網友仲嗌發哥領養狗仔，同埋幫忙呼籲全民領養添！而日前又網友於社交網公開發哥嘅「好人好事」，透露發哥自願做攝影師，幫油麻地果欄店主影全家福，當日佢以一身低調全黑嘅運動裝束現身，企喺腳架後調整相機，非常認真，最後仲同全部人合照，真係有求必應呀！
而發哥Fit爆嘅身材，亦成為網民焦點，佢曾經透露自己嘅Keep Fit秘訣，佢最初每日用1個半鐘步行10公里，之後進階成慢跑，除咗做運動外，佢飲食方面亦好有節制，佢指自己喺收身期間食得好清淡，早餐食半碗飯，午餐、晚餐就唔食澱粉，同時要戒油、戒辣、少糖，多食魚同蔬菜：「長期咁樣Keep住食，胃口自然變細，唔會想食好多嘢。」最後發哥喺10個月內狂減約30磅，比當年拍《賭神》嗰陣仲Fit呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|