藝人張致恒（Steven）老婆雯雯早前割席鬧爆Steven冇畀錢屋企，搞到佢依家要自力更生搵錢養家，日前開設純手工寵物零食網店外，又開設童裝網店出售貨品賺錢，但被網友質疑佢以內地網購平貨品充當韓國貨品出售，及標價比內地網站價格高出幾倍，更疑似賣A貨童裝等。雯雯今日（24日）凌晨即急急出Post澄清，直指自己由香港批發途徑選取貨品，亦表明貨品來源，包括韓國、日本及歐美國家，佢亦強調自己嘅網店明碼價、公道自在人心，而且該內地網購平台都有韓國人開户口做生意，暗示自己係同韓國人攞貨，更好有感觸地嘆道：「首先好多謝大家咁關注！但麻煩大家可唔可以畀條生路我同我屋企行 我都係想搵路靠自己去照顧屋企 唔想求人幫助亦唔想靠人可憐 又可以畀到生活屋企 我依家做嘅一切 賣嘅嘢 對得住自己同支持我嘅人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
