台灣性感女神「雞排妹」鄭家純去年宣布閃嫁日本老公AKIRA，婚後台日兩邊走嘅佢現身直播節目，大談同老公嘅交往過程及婚後生活，佢大方分享兩人透過交友軟體認識，原本都冇咩沒特別感覺，後來覺得對方太有趣先繼續發展，仲話AKIRA係「超直的直男」，求婚時咩浪漫橋段都冇，只係簡單問佢要唔要結婚。
至於婚後生活，雞排妹坦言從小就好嚮往婚姻同家庭，但因為二人成長背景及文化都唔同，相處上好有挑戰性，並提醒未婚男女，不論過往累積過多少戀愛經驗，喺步入婚姻後都派唔上用場，一切都要從零開始學習。佢仲大爆老公某次飲醉直接喺路邊瞓過夜，佢直接笑到落淚並表示：「早上睡起來發現旁邊的枕頭上有雜草，詢問老公後才知道這些荒唐事。」睇嚟佢婚姻生活幸福有趣，笑爆網友。隨後雞排妹亦大方回應捐精話題：「捐精是一個很正常的行為，還有營養費可以拿，何樂而不為。」並笑稱可以帶佢啲寫真集去DIY，相信可以幫到大家。
本文作轉載及備份之用 來源 source: http://hk.on.cc
|
鍾意就快D Share啦！
|
|
|