無綫綜藝節目《中年好聲音》最新一集中，支嚳儀（Venus）與周吉佩獲全場最高82分，原來佢係自助烘焙店老闆，其開設嘅烘焙學校喺馬來西亞及菲律賓都有分店。佢仲同任職攝影師嘅老公育有3歲半囝囝林煒晟，佢仲喺社交網分享家庭生活，曝光其豪宅！
Venus同阿仔喺客廳玩時，就見到客廳樓底高又寬敞，屋企擺得落比佢老公更高嘅巨型聖誕樹，空間感十足，同時又用落地玻璃門設計及伸展露台。飯廳就放大理石枱，目測夠坐12人，窗外樓景更睇得出附近係非密集式樓宇建築。家中廚房同樣專業設備配備齊全，焗爐更係must have item，方便作為烘焙店老闆嘅Venus大顯身手。
而主人房更更係十分寬敞，窗台邊用嚟工作，另一邊就擺放大床及巨型衣櫃。佢更曾公開着住睡衣嗻衣帽間自拍，背後嘅展示櫃就放有大量名牌手袋及服飾，直頭媲美名店。
本文作轉載及備份之用 來源 source: http://hk.on.cc
|
鍾意就快D Share啦！
|
|
|