黃子恆於無綫劇《隱形戰隊》中飾演學者兼炸彈狂魔，他經常要於「軟弱」與「暴戾」兩種不同人格之間，不停切換，對於今次性格如此分裂的角色，子恒大呼好玩：「我之前都講過話想試吓演精神分裂，因為凡係生活模式同形態跟現實有好大差距嘅角色，演員都會覺得好玩。然後咁啱監製Jazz就搵我做呢個角色，我都幾開心同興奮。」子恆續指一人分飾兩角事前準備工夫確實比平時要多：「除咗造型上有戴同唔戴眼鏡嘅分別，我要好清晰咁賦予一啲言行舉止畀呢兩個人物，分別要夠大令觀眾會分到。其實同呢個邪惡人格類似嘅角色我之前有涉獵過，但作為演員唔會想重複個演繹方法，所以我都有諗點樣同以前比起上嚟有分別。」
子恆於昨晚（30日）一集再有精彩演出，就是「眼鏡子恆」VS「腹黑子恆」的正邪對決。對此他受訪時坦言自己對這場戲期待已久：「呢一場會係一句對白就轉換一個身份，我都忘記來回咗幾多次，但喺咁短時間要變嚟變去，對我嚟講都係挑戰。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
