今日係3月31日，睇是日星座運程之前，不如挑戰吓IQ題，百貨公司做緊一折大酬賓，小明嘅媽媽即刻衝去買嘢，點知買完之後就死咗，點解呢？想知答案就要睇《星語》喇！入正題先，今日嘅幸運星係山羊座，山羊座嘅朋友幸運指數排第一，生活上冇嘢要操心。山羊座嘅高海寧既然冇嘢煩又咁好彩，不如趁今日派吓福利等大家都開心吓最近高海寧講過，希望第時去意大利小鎮搞溫馨婚禮，高海寧又靚又好條件，一定可以成事。
獅子座嘅朋友各方面運勢都唔錯，可以迎嚟愉快嘅一天。睇嚟獅子座嘅何沛珈今日就算為無綫資訊節目《東張西望》出外景做訪問都一定好順利。
至於天蠍座嘅朋友財運好好，冇嘢要操心，着綠色衫仲會有着數。天蠍座嘅郭富城早排喺無綫台慶件螢光綠戰衣令人印象深刻，今日不妨再着綠色衫旺一旺佢！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
