藝人李施嬅最近忙於與佘詩曼拍攝新劇《NEWS新聞女王》，為咗接受新挑戰，佢早前到馬爾岱夫旅行叉足電之餘，仲落力操Fit自己，佢尋日（5日）就喺社交網晒 ...
藝人李施嬅最近忙於與佘詩曼拍攝新劇《NEWS新聞女王》，為咗接受新挑戰，佢早前到馬爾岱夫旅行叉足電之餘，仲落力操Fit自己，佢尋日（5日）就喺社交網晒咗條跳繩片，不過片中佢其中一次跳繩嘅位置，竟然太近崖邊，望落相當牙煙，令到一眾網友都睇到膽戰心驚，提醒佢要小心，嗌佢唔好再喺咁危險嘅地方跳繩，避免樂極生悲！
其實佢之前以經試過喺咁危險嘅地方跳繩，上年佢孖未婚夫星級教練車崇健，就曾經喺夏威夷瓦胡島，在著名景點瑪卡普吾角燈塔上跳繩，佢不但走上高台邊緣玩危企，仲即場跳繩，勁牙煙呀！
