35歲前離開無綫 怕40歲冇勇氣走
近日Grace推出新歌《Light It Up》，現身無綫前監製關樹明的YouTube節目《花生密函》宣傳，被問起當日離巢原因，Grace直認傾續約時，「我望住自己喺呢間公司，都差不多13、14年，當我續約，係35到40歲，我仲喺呢間公司，我40歲嘅時候仲有冇勇氣離開呢？40歲嘅時候我會唔會已經有小朋友呢？我會唔會已經無端端感覺上唔夠膽？」她覺得人愈大，隨著責任愈多，冒險精神和勇氣就愈來愈低，但她在35歲、還未做母親的時候離開，起碼還可以去外闖，看看外面的世界，不用因養家太困身，表明：「我覺得我35歲可以任性多少少，咁我就可以Take呢個Risk出去闖下。」
請按下圖睇更多王君馨離巢無綫一年幾以來的近況：
關樹明接著問，有不同公司向Grace招手的時候，她會如何抉擇，Grace就說：「我會好希望有一間公司，係同我概念比較一致！」她熱愛演戲正正是希望無論樣貌、聲調、形體能都變成另一個人，渴望有一個角色，能讓她透過不同課程，將她訓練成完全不同的人。
怕體力狀態差 曾拒絕內地跳舞節目邀請
她08年參加跳舞綜藝節目《舞動奇跡第二季》奪得冠軍，至去年她再參加另一同類節目《了不起舞社》，但原來Grace起初拒絕邀請，她說：「我一開始完全Say no，當然以前贏過一個跳舞比賽，但十幾年之後，身體有冇呢個狀態同能力可以再參加一個跳舞比賽呢？我發覺自己好驚，驚到一個位，我問自己驚乜嘢呢？係驚年紀、體力，同啲妹妹溝通唔到？」
Grace腦海浮現了「美國隊長」Chris Evans的一個訪問，他指自己演美國隊長要簽10年長約，他很害怕自己無法把身體保持在健碩、健康的狀態，但Chris Evans後來覺得愈驚就愈要去做，Grace也因此決定挑戰自己，不想生命被恐懼影響，並說：「一個比賽又唔係一定要贏冠軍，先至會得到好多嘢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|