今日係3月27日，農曆閏二月初六，今日最啱祭祀、入學同掃舍。古代嘅入學係指拜師學藝嘅第一日，不過其實現代學校開學日係政府規定，所以唔需要特別遷就今日最旺生肖係龍，你哋今日腦筋轉數快，做事效率高，所以事業會勁旺勢如破竹！龍女譚嘉儀事業又真係愈嚟愈旺，雖然近期成日畀人傳佢五官愈來愈精緻，惹來整容傳聞，但佢一於少理，集中精神做嘢，尋日（25日）喺《無限超越群星演唱會》做嘉賓，仲有得打頭陣唱《上海灘》，明顯有一定地位，唱功受到認可！今年成功開咗處女騷啦，嚟緊有咩大計先？今日旺到咁，一定事事順利！
至於屬鼠嘅朋友有逢凶化吉嘅運氣，可以話係遇到麻煩都冇有怕。屬鼠嘅張致恒，早排同老婆雯雯和好如初，仲當街餵嚟餵去好sweet，點知依家又似乎冷戰緊，更疑似有債主瘋狂追債！不過兩公婆始終萬事有商量，正所謂浪子回家心不換，只要誠心改過、正面面對難題，就有機會化危為機，張致恒趁住今日勢旺，快啲氹番老婆，照顧好屋企，到時就真係真男人喇。最後玄仙子又考大家香港地理題喎，想學嘢即睇《玄機》！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
