樂壇天后王菲與謝霆鋒周一（13日）無預警下於北京機場激罕「世紀拖手」，十指緊扣粉碎分手傳聞，而王菲今次更陪霆鋒返港工作，逗留5日4夜，今日（16日）終再次孖住現身香港機場，一同返北京！
上次高調放閃，今次王菲反而怕醜得多，今日約12時20分，佢就孖實謝霆鋒由霆鋒屋企出發，上七人車直駛香港國際機場，霆鋒助手表哥以及兩名地勤人員已在現場等候兩人前來。身穿黑外套配牛仔褲的霆鋒與打扮同樣簡約的王菲前後腳落車，步入特別通道離港，唔敢拖手嘅二人戴上口罩，未有揮手或打招呼及回應，就直奔政府貴賓室，表哥及地勤人員一度欲阻擋記者拍攝。二人同一眾工作人員行上扶手電梯時前往入閘時，王菲先小鳥依人地貼近男友霆鋒，亦有望向鏡者鏡頭，表現相當冧豬！
本文作轉載及備份之用 來源 source: http://hk.on.cc
|
鍾意就快D Share啦！
|
|
|