早前張繼聰驚現於周星馳的社交媒體相片中，成為第一位於星爺IG登場的藝人，張繼聰笑指：「所以你知我行緊運」而張繼聰亦分享與星爺會面的感受：「好神奇嘅！佢叫我上去拍啲互動嘅嘢，我都冇問係拍乜，我直上啊！可以見星爺一面！」作為近年喜劇電影的常客，張繼聰指自己不夠膽尋求與星爺一同演戲：「你係我你夠唔夠膽問呀？我就唔敢問喇！『星爺！點啊！係咪想合作呀？』我唔敢但係星爺好nice，佢同我講咗啲對電影、演戲嘅嘢，我覺得超開心！」
近日適逢謝安琪46歲生日，謝安琪甜笑指老公張繼聰的生日禮物別具心意：「今年係有啲新意！佢今年寫咗一首歌畀我，我係幾滿意嘅！生日嗰日收到，首歌係寫得幾有感情，我聽完已經好有感覺。雖然未有歌詞，但係我感覺到佢係充滿感情咁寫。」張繼聰則笑指：「雖然我係一個普通嘅音樂愛好者，雖然都攞過作曲人大獎，但係都好多年前咁好卑微咁送個生日禮物畀佢啦，點知又得到佢嘅採納，所以好開心！」
對於「生日歌」會否成為派台作品，謝安琪表示：「我隨即搵咗製作班底開始做，搵緊人填詞。」張繼聰與謝安琪的樂迷一直期待二人同台合作，被問及會否作新歌MV上共演，張繼聰笑指：「我暫時未收到咁嘅通知！不過我覺得都幾有價值嘅，因為我哋兩個喺樂壇上冇合作過，我都幫過好多樂壇嘅天后寫歌唯獨係隔籬呢位未寫過啦、如果真係（成事）我覺得都幾有紀念價值呀！」至於合唱作品，張繼聰則笑指：「唔好再講合唱逐步逐步嚟」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
