ViuTV新劇《極度俏郎君》今午（11日）舉行記者會，女主角之一嘅宣萱雖然在外地工作，但亦有拍片支持，不過她在片中就踢爆193（郭嘉駿）經常遲到，並叮囑「記住要守時」。由於193身在英國拍攝，兩位兄弟 何啟華、吳保錡以及劇中大佬姜皓文接受訪問時，就有咁嘅解釋：「我覺得佢會改過自新，呢頭同佢講唔好成日遲，第日又遲 。」問到193最嚴重一次係遲幾多，姜皓文就話「咁尷尬嘅嘢，留比Dee講啦。」Dee就話：「永遠無最遲亦無最早，睇你點睇，嚴格嚟講佢係準時嘅。」
而每日開工都讚宣萱靚女嘅保錡，呢日雖然自稱叫「宣錡」，但原來至今仍未獲得宣萱電話。「搞笑還搞笑，佢係前輩，都要尊重，無嗱嗱拎人電話都有啲怯。」Dee表示自己只得黑哥電話，早前與肥仔到馬來西亞工作時，靠著「黑哥」之名食唔少霸王餐 。三人愈講愈興𡚒，仲話要組團一齊去雲頂登台，又表示希望劇集播出後，有望在緊來西亞橫行。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
