阮浩棕在《隱形戰隊》中飾演被判終生監禁的富二代霍展鏗，後因陳展鵬將他救出，繼而展開對警隊的報復行為。阮浩棕在劇內的演技獲網民稱讚，指他黑化之後的「瘋癲」很入型入格。在接受《香港01》訪問時，阮浩棕說：「鏗少呢個角色同我本身係有好大嘅出入，而喺黑化之後亦都更加恐怖。拿捏呢段戲嘅時候除咗同監製Jazz以及導演嘅溝通，了解想呈現嘅效果之外，最主要都係信任劇本，信任鏗少內心嘅扭曲同對復仇嘅渴望，再加上劇本設定上有毒品嘅影響，呢啲設定亦比咗空間我去放膽瘋狂以及失控。」
阮浩棕現時32歲，十年前入行，兩年前回巢後一直未有令人深刻的角色，今次相信是第一次如此重戲份。他表示：「雖然係觀眾嘅眼中我算係一個好新嘅面孔，但其實入行都有一段日子，亦都係唔同嘅地方努力過，累積咗一定嘅經驗，學習咗用平常心去演戲，所以接拍鏗少呢個角色嘅時候並無特別緊張，因為我要代入鏗少去感受去思考，而緊張唔係鏗少會有嘅情緒。」
今次拍攝有不少與劉佩玥和劉穎鏇的場口，更需要虐待她們，阮浩棕感激得到兩位好對手的信任，他表示：「因為同兩位女神Moon同Tiff係第一次合作，其中同Moon仲有咁大膽嘅內容，但係係拍攝時佢地都好信任我呢個對手，所以我都無就住就住可以好放膽咁去演出。最後多謝監製同兩位女神嘅信任，亦都期待之後嘅作品會有更多唔同嘅表現俾大家見到。」
雖然在劇中是富二代，不過他指現實並沒有這個身份，他說：「現實當然唔係富二代雖然以前嫲嫲嘅形象好高貴好有貴氣，但我屋企只係一個好普通但係好幸福嘅家，富二代嘅生活我只可以靠演戲去體會！」
投7項【民選電影大獎】
本文作轉載及備份之用 來源 source: http://www.hk01.com
|
鍾意就快D Share啦！
|
|
|
