由荷蘭土生土長華人張震宇（CJ）、吳兆麟（Alan）及胡敏芝主持的無綫J2旅遊節目《荷蘭 Pop Guide》，來到最後3集繼續試荷蘭特色美食及買玩潮點。CJ領隊參觀近百年歷史的女同志酒吧，酒吧不單招待女同志，亦歡迎各類人士幫襯，開業時女同性戀行為牴觸當地法律，女店主想出一個辦法，就是以店內一盞貓頭鷹燈開閂做記號，顯示店內是否有執法人員。Alan講酒吧典故謂﹕「店主唔想俾人覺得帶領帶就代表好 man，所以要啲人除低掛喺度，之後有人掛底褲、胸圍，所以天花板掛滿雜物，好有歷史感。」
眾人又到唐人街「睇樓」，CJ透露在荷蘭當地產經紀不用考牌，而他介紹的一個盤面積約900呎、索價約 530萬港元，大露台飽覽運河景，可謂平靚正。另外，CJ帶大家去品嘗地道食品，包括炸香腸、炸肉棒及炸麵等等，口感十足卻令人擔心食完喉嚨痛。而總括今次行程，Alan坦言最難忘是每晚收工到市中心沿河邊散步聽歌︰「特別係夜晚坐船遊運河加埋啲燈光，好浪漫，有機會會同女朋友遊荷蘭，另一個想去嘅地方係意大利。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
