今日係4月6日，睇是日星座運程之前，不如挑戰吓IQ題，大明同小明兩兄弟自細冇咗爸爸媽媽，小明由大明養大，咁大明又係邊個養嘅呢？想知答案就要睇《星語》喇！入正題先，今日嘅幸運星係山羊座，山羊座嘅朋友運氣勝人一籌，但仍然要保持低調，唔好太得戚。山羊座嘅王敏奕，出道以來最大談論點，就係佢係導演曾國祥嘅老婆，以及係無綫高層曾志偉嘅媳婦，但佢一直默默耕耘，私人嘢好少提及，亦唔鍾意去炒作。雖然多次傳出佢同曾國祥感情生變，但都選擇低調面對，所以真係抵佢行運呀！
巨蟹座嘅朋友理財有道，有閒錢不妨做多啲好事，利人利己。巨蟹座嘅伍富橋依家身為「億萬駙馬」，相信都有條件幫到多啲人。
天蠍座嘅朋友獲好運氣加持，按自己諗法行事，做咩都得心應手！天蠍座嘅岑麗香今日好好彩，相信自己嘅諗法就會事事順利。
本文作轉載及備份之用 來源 source: http://hk.on.cc
|
鍾意就快D Share啦！
|
|
|