今日係4月26日，睇是日星座運程之前，不如挑戰吓IQ題，狗會「汪汪」叫，貓會「喵喵」叫，咁咩會「咕咕」叫呢？想知答案就要睇《星語》喇！入正題先，今日嘅幸運星係處女座，處女座嘅朋友幸運指數排第一，身心狀態好好，生活冇煩惱。處女座嘅影后張曼玉近年鮮有公開露面，舊年難得亮相品牌活動兼註冊埋社交平台，見到養尊處優嘅佢狀態依然好好，咁開心不如趁今日Update吓社交平台，粉絲們都等咗好耐喇，畀大家都分享你嘅快樂呀嘛！
山羊座嘅朋友雖然未能夠即時見到回報，但辛勤工作唔會白費。被封為「粗口港姐」嘅梁允瑜正正係山羊座，佢近嚟靠《愛．回家之開心速遞》逐漸入屋，繼續努力一定會畀更多人睇到你嘅付出。
雙魚座嘅朋友處變不驚，容易獲得其他人嘅信任，運勢都會好起嚟。雙魚座嘅徐若瑄曾經無辜捲入王力宏婚變風波，及後成功走出陰霾，亦得到大家嘅信任，相信嚟緊都會繼續好運！
本文作轉載及備份之用 來源 source: http://hk.on.cc
|
鍾意就快D Share啦！
|
|
|