藝人陳家樂與湯怡今日（27日）在灣仔出席英皇電影《神探大戰》慶功宴，席間宣布開拍續集《神探大戰2》。講到兩人在第一輯的角色已經死去，續集會怎樣現身？他說：「我頭先都有問導演係咪延續，咁就要考導演功力，之前有睇過《神探》，如果可以做跟住劉青雲嘅鬼都好好呀，可以日日對住青雲。」湯怡指電影9成角色已經死去，用甚麼形式出現也沒有所謂，最緊要有份演出。
剛成為人夫的陳家樂，被問到洞房花燭夜是否很忙碌？他笑言：「瞓咗兩日，真係好攰，因為結婚前嗰晚都冇瞓，直接走去結婚，之後仲一擺咗兩場酒，夜晚都成25圍，所以真係好攰。」問是否攰到未能落床？他則笑言：「哈哈，休息咗兩日，今日先至正式開工。」
講到度蜜月，本來計劃歐遊的他笑言老婆連詩雅將會到馬來西亞工作，提議到當地度蜜月，問到不擔心老婆詐型？他說：「再講就去長洲，睇搶包山都幾好呀。」而湯怡機就指如果去馬來西亞，連詩雅一定不會放過他，結婚兩年也計劃歐遊蜜月的她說：「之前去咗日本四日旅行，但講明唔當係度蜜月。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
