今日係4月18日，睇是日星座運程之前，不如挑戰吓IQ題，如果動物園火燭，邊種動物會最先走佬呢？想知答案就要睇《星語》喇！入正題先，今日嘅幸運星係巨蟹座，巨蟹座嘅朋友享盡天時地利人和，把握時機，放膽追夢！巨蟹座嘅梁朝偉早排既然都講到明依家係演藝生涯「最後階段」，咁就要把握時間完成晒啲目標，係咪會拍劇畀大家睇先？今日開始Plan吓
獅子座嘅朋友可以喺工作度獲得滿足感，面對新挑戰都唔會怯。女團COLLAR成員Ivy So就係獅子座，佢喺啱啱播完嘅劇集《和解在後》擔正做女一，評價都唔錯，開咗個靚頭，嚟緊一定愈戰愈勇。
水瓶座嘅朋友笑多啲會好過擺個嚴肅樣出嚟，會易啲畀人哋接受。水瓶座嘅惠英紅喺真人騷《無限超越班》有幾嚴肅大家都睇到，不過其實佢都係為班演員好啫，但如果佢再笑多啲，就更加好喇！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
