今日係4月18日，農曆閏二月廿八，宜祭祀、成服同嫁娶。最旺生肖就係虎，你哋人緣好旺會有朋友熱情接待你，所以心情會勁靚。睇吓屬虎嘅周星馳（星爺）IG，就知佢有幾多朋友，一時見張繼聰，一時見林俊傑，最近仲約埋馬來西亞著名KOL喺香港大歎潮州美食，唔知星爺今日見邊個會令佢心情咁靚呢？其實星爺自從上年底宣布招兵進軍元宇宙之後，喺社交網有唔少動作，近呢半年時間仲密密見藝人同KOL，唔通同佢哋傾緊啲咩合作？一大班粉絲等到頸都長埋喇，星爺今日心情靚到咁，不妨透露多少少計劃畀大家知啦。
屬龍嘅人今日腦筋轉數快，可以喺職場競爭入面脫穎而出。黃心穎就係屬龍，佢真係近排真係好需要事業運，啱啱推出新歌復出幕前喎！雖然首歌喪吸負評，仲被網民話「亞視一姐」薛影儀首新歌好過佢，不過有noise都係成功嘅一種，今日仲有運行一定愈嚟愈掂，即睇《玄機》！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
