無綫綜藝歌唱真人騷《中年好聲音》今日（17/4）於尖沙咀舉行記者會。成功打入最後6強參賽者李佳受訪時表示：「嚟近星期日就係決賽，心情就愈嚟愈緊張，加上呢排身邊好多人都唔舒服病咗，變咗自己都會有啲擔心，要做多咗預防措施，例如會戴口罩，同埋盡量減少接觸人群，就好似我本身係開班教唱歌，而家我係將成個星期嘅教學班全部停晒。」李佳續說：「其實我自己都好驚會病，因為兩個星期前，我係感冒過，我係咳得好犀利。變咗我而家個狀態係未去到最佳狀態，但我係會做到最好，因為呢個唔係一個藉口。」
