今日係4月14日，睇是日星座運程之前，不如挑戰吓IQ題，點解世界上有東京、南京、北京，但係冇西京呢？想知答案就要睇《星語》喇！入正題先，今日嘅幸運星係天秤座，天秤座嘅朋友管好自己嘅情緒，事業發展可以更上一層樓。天秤座嘅林淑敏（Mandy），喺《愛．回家之開心速遞》飾演「大小姐」龍力蓮入型入格，仲攞埋最佳女配角，但原來佢都擔心過「大小姐」呢個角色會有完結一日，重返做路人甲嘅日子，不過患癌經歷令佢睇通咗。其實「大小姐」一路都咁受歡迎，現實中Mandy嘅EQ又勁高，工作機會肯定愈嚟愈多，擔心唔夠時間做嘢好過啦。
天蠍座嘅朋友工作得到發揮空間，做出超乎想像嘅佳績。天蠍座嘅葉蒨文除咗喺《愛．回家》演出，亦多咗好多機會參演唔同劇集，大家都好期待佢再畀驚喜觀眾。
水瓶座嘅朋友工作運上升，無後顧之憂，可以完成目標。水瓶座嘅姜麗文結婚後多咗老公呢個最強後盾，梗係乜都唔使愁，繼續加油！
本文作轉載及備份之用 來源 source: http://hk.on.cc
|
鍾意就快D Share啦！
|
|
|