今日係4月15日，亦係嘉賓主持鍾泳瑤最後一日喺《星語》同大家講星座運程，臨別依依都係挑戰吓IQ題先啦，郭富城喺香港最鍾意「唱這歌」，返到內地佢又鍾意唱咩呢？想知答案就要睇《星語》喇！
入正題先，今日嘅幸運星係水瓶座，水瓶座嘅朋友幸運指數排第一，理財上可立於不敗之地。水瓶座嘅劉青雲就梗係幸運啦，有郭藹明呢個賢內助幫佢打點一切，有指郭藹明多年來炒賣物業從未失手，已經幫老公賺到有過億身家喇，所以理財方面一定冇問題。
雙子座嘅朋友財運都唔錯，謹記知足常樂，唔可以貪得無厭。雙子座嘅張栢芝不嬲生財有道，睇嚟今日會再賺多啲喎！
射手座嘅朋友各方面運勢都唔錯，可望迎嚟愉快嘅一日。射手座嘅黃嘉雯今日一定開開心心冇煩惱！
本文作轉載及備份之用 來源 source: http://hk.on.cc
|
鍾意就快D Share啦！
|
|
|