無綫熱播劇《一舞傾城》今晚（29日）上演楊明激情出征蔡潔的火辣場口，在「Michelle」姚子羚的推波助瀾下，「志飛」楊明成功約會暗戀多時的「Monica」蔡潔，之後更意亂情迷，發生一夜情，惟完事後蔡潔因未走出失戀陰霾，對楊明有所避忌。火辣親熱戲長達1分鐘，蔡潔和楊明狂咀時，邊咀邊自轉，由門外咀到上床。楊明未有因這場親熱戲而感到尷尬：「因為大家都入咗行咁耐都明白拍戲係咁，蔡潔好專業，而我亦都有呢類戲嘅經驗，大家都溝通好晒。事前都試咗幾次位，務求用最少Take數完成呢場戲。」
至於拍前有否向女友莊思明備案，楊明說：「都唔使備案，因為思明有份拍呢套劇，劇本佢睇到晒，佢知道有呢場戲，但都會同佢講聲邊日會拍呢場。最好嘅係另一半都係演員，佢會明白係咩一回事。因為唔想肥騰騰咁，所以拍攝前都有做掌上壓、引體上升泵脹啲肌肉，亦有聽前輩分享話拍之前要收水，希望啲肌肉唔好咁鬆散。但掌上壓又唔可以做得太多，因為驚做得太多之後啲動作唔夠力做！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
