「J2性女」黃紫恩於無綫J2節目《冇人性教育》言論大膽出位，加上樣靚身材正，獲得唔少宅男喜愛，不過近日佢卻不幸發生意外，導致破相！佢喺社交網上載片段交代事發經過，原來日前佢突然喺街上暈倒，面部90度直撞石屎地面，當時佢被救護車送入院，初時佢仲以為只係普通撞傷，後來才得知傷勢嚴重，眉心爆裂血肉模糊，鼻樑及下巴位置亦受傷，更被歸類為「緊急病人」，傷口足足滲血7個半小時才完成縫針。
隨後友人即安排佢到私家醫院向整容醫生求助修復面容，佢亦公開手術後嘅狀況，見其下巴、眉骨及鼻骨成功重整，不過臉上仍有兩道超過1cm長嘅疤痕，未知會否留疤。
黃紫恩受訪時指自己現於家中休息，傷口完全不痛，大讚醫生手勢好好，至於為何會在街上暈低？她說：「血氣唔好，可能嗰下血壓低，當日食唔夠嘢或者休息唔夠都會咁。」
由於傷口頗深，問她會否擔心破相？她說：「我對我嘅醫生有信心，佢係整形科嚟，同埋佢都叫我唔好諗咁多，真係有啲乜嘢，都可以利用醫美去修復。」紫恩指一星期後會覆診及拆線，預1個月左右復原，至於是否需要停工？她則表示：「唔需要，後日開工，監製好好人，話如果身體無恙可以返工，仲叫我唔好為咗靚而喺傷口上化妝，畀我黐膠布開工。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
