今日係5月7日，睇是日星座運程之前，不如挑戰吓IQ題，「半夜三更喺屋企敷mask」，估一個中國民系。想知答案就要睇《星語》喇！入正題先，今日嘅幸運星係雙子座，雙子座嘅朋友人逢喜事精神爽，可以畀自己做啲感興趣嘅事。雙子座嘅楊丞琳即將喺6月第五度登上台北小巨蛋開演唱會，無論係對佢定粉絲嚟講都絕對係大喜事！雖然佢不時有出位言論，甚至連跳舞嗰陣嘅投入神情都引起極大爭議，但丞琳一於少理，繼續喺內地各大節目展現舞技，仲興奮表示搵到自己喺舞蹈上嘅定位。不過結咗婚4年嘅你有冇諗過幾時生小朋友先？相信好多粉絲都等緊你報喜！
講到喜事，水瓶座嘅朋友愛情運最強，有心儀對象就不妨嘗試表白。前組合Super Girls隊長Aka（趙慧珊）入行咁耐好似只係同過吳業坤傳緋聞，依家吳業坤都已經結埋婚，但Aka都仲未有着落。但佢就唔係好心急拍拖，反而心急獻出螢幕初吻，真係估佢唔到！不過Aka都承認有追求者，其實都唔一定要人追嘅，你都可以趁今日主動表白，主動爭取幸福。
本文作轉載及備份之用 來源 source: http://hk.on.cc
|
鍾意就快D Share啦！
|
|
|