今日係5月2日，睇是日星座運程之前，不如挑戰吓IQ題，一個人空肚最多可以食幾多隻蛋呢？想知答案就要睇《星語》喇！入正題先，今日嘅幸運星係巨蟹座，巨蟹座嘅朋友幸運指數排喺第一位，追求夢想務必把握時機。周星馳（星爺）原來都係巨蟹座，教識大家「做人冇夢想同條鹹魚有咩分別」嘅佢就一定有夢想啦，近年進軍社交平台勁多搞作，早前更廣邀藝人合作，更籌備與台灣人氣組合五月天，組成限定樂隊「六月天」出單曲，趁住今日咁好彩個勢咁好，可以公布吓有咩新大計喎！
雙子座嘅朋友愛情運唔錯，主動噓寒問暖，伴侶會更愛你。雙子座嘅吳若希同老公相處一向都係吵吵鬧鬧咁，今日試吓轉做賢妻Mode，感情一定更好！
處女座嘅朋友做事快靚正，遇到任何問題都可以應付自如。處女座嘅江美儀貴為視后，拍劇就梗係成日一Take搞掂啦，今日開工嘅話一定更加快手拍完！
本文作轉載及備份之用 來源 source: http://hk.on.cc
|
鍾意就快D Share啦！
|
|
|