游游重提肥媽投資失利損失數千萬的事情，肥媽大方回應說：「記得當時就係喺呢度拍緊嘢，我煮緊嘢時，秘書同我講話個股價由8蚊跌到8個仙，我直頭企咗喺度，但我都有煮埋佢，唔通停晒手唔做咩。」肥媽承認當時心情低落，她續說：「嗰時我把口衰，話有幾千萬喺個袋度，可以退休，點知一講退休呢兩隻字就玩你喇，所以我以後唔講退休！」肥媽續指當時將股票套現後還剩餘200萬，但她竟然給了同樣跌落谷底的老友解燃眉之急，相當有情有義。
鼎爺則自揭曾有機會做「李小龍第二」，他說：「70年代頭，同美國嘅華納兄弟簽咗三套戲，仲已經落埋訂，我心諗今次發達喇！」惟後來出現突發事件，令鼎爺進軍荷里活夢碎。肥媽聞言即忍不住指若當年計劃成功，鼎爺會比周潤發及成龍更早打入荷里活，鼎爺聞言感嘆謂：「真係食咁多着咁多，整定嘅！」
明晚（9日）播出的第八集，主題是「我的威水朋友」，鼎爺大談好兄弟李小龍的飲食習慣，他說：「佢食得好健康，每食一樣嘢都計過晒，牛肉少食，豬肉一年都唔會食一、兩次。」鼎爺還即場炮製李小龍都食過的「涼拌麻香雞絲粉皮」。節目中更曝光了鼎爺年輕時的爆肌相，健碩腹肌粒粒分明，相當吸睛。肥媽問游游鍾唔鍾意大隻佬？游游自爆最愛「隱性肌男」：「我鍾意穿衣顯瘦，脫衣顯壯，即係着咗衫唔覺有6舊腹肌，一除衫就wow嗰啲。」此外肥媽和鼎爺原來與已故賭王何鴻燊甚有淵源，兩人異口同聲大讚何生為人幽默，肥媽說：「我好鍾意佢講嘢好有味道，佢話：『我都幾十歲喇，但我都生咗17個仔女，人哋就話我犀利，咁我又唔覺得。』幾有型呀講得！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|