人氣男團MIRROR成員姜濤日前因在台上向隊友逐一發表感言，而遭樂隊RubberBand鼓手泥鯭公開爆粗嘲諷，及後又與疑似「姜糖（粉絲暱稱）」網上互鬧，終泥鯭所屬樂隊RubberBand發文致歉，但事件仍繼續發酵。繼多位圈中人加入「戰圈」，估唔到與雙方甚少交集嘅歌手吳業坤亦都被拉入場，事關佢於爆出泥鯭同姜糖罵戰當日，就咁啱晒出一張自動門嘅相，而門上標誌剛好就同MIRROR logo極為相似，即被揣測佢疑似批評鏡仔，隨即變「泥鯭2.0」被網民洗版負評，更被封為「花式玩命的無綫歌手」，無辜被指引戰。同時有人貼出佢同黃心穎昔日合照，影射吳業坤發文撐身為黃心穎男友嘅泥鯭。
另外，吳業坤太太浜口愛子就宣布家中增添新成員，二人一同她領養松鼠狗女「白湯」，又分享佢同狗狗靚相，吳業坤更同狗狗頭貼頭一齊瞓，非常溫馨。
本文作轉載及備份之用 來源 source: http://hk.on.cc
|
鍾意就快D Share啦！
|
|
|