赤鱲角香港國際機場發生嚴重事故，今日(24日)凌晨，一班國泰飛往美國洛杉磯客機，因起飛時尾轆故障，故須折返。據了解，當時有18名於乘客逃生期間受傷，更有傳藝人李施嬅為同機乘客之一。稍後，李施嬅就於社交網上載片段報平安，並直擊機人混亂一刻，及平安抵家後嘅自拍片：「我平安返到屋企啦，報個平安先！今晚好驚險，我都係第一次飛機喺跑道上好高速無端端踩brake停，啲嘢跌晒啦，個個都好驚，空姐、captain話要疏散時，大家都好緊張、大嗌，好混亂，令到我個人都震晒，個人都好驚！」
李施嬅續指大家按指示由求生滑梯瀡下，亦有見到乘客受傷、損晒等，但仍感恩機長發現有異樣時立即煞停，否則繼續起飛有可能後果更嚴重：「我都好感恩，雖然係幾驚嘅一件事，但係大家都平安冇事，唔飛住都唔緊要，辛苦咗咁多位工作人員、空姐、飛機師。」
李施嬅東網接受訪問時表示：「完全冇受傷、冇事，感恩航空公司盡力照顧好所有人，感恩冇起飛。」施嬅經歷事件，回到屋企睡了3小時，逐即再到機場坐飛機，繼續行程往美國辦理私人事務，她說：「雖然經歷呢件事，但係唔會有驚恐，唔會驚咗飛。當時喺飛機聽到爆軚嘭一聲係會驚，落咗機知道安全就冇事，希望受傷嘅人士快啲好番、快啲冇事。聆晚瞓咗3個鐘，感恩大家都冇事，大步檻過。」她指意外發生後收到很多朋友訊息慰問，家人與未婚夫自然很擔心，期間一直保持通話報平安。
本文作轉載及備份之用 來源 source: http://hk.on.cc
|
鍾意就快D Share啦！
|
|
|