0
今日（16日）於將軍澳電視城進行2023年港姐第二次面試，雖然已Foul走多位驚人佳麗，但仍有唔少另類美人見大家。同樣再次見人嘅三嬌絲絨裙Doris、Darling及Cecilia黐到實充現身，Doris就話因為自己喺上海拍戲，趕唔切搵衫，先會着到咁熱，當中Cecilia雖然以低胸上陣，但卻驚人地露出打底「砵仔糕」！
早前有內地網紅大彈冇得食嘢，餓足全程，今次就見到唔少佳麗出動外賣入場，當中Cherry及Debbie就揈晒外賣袋咁見人，Debbie仲拎埋畢業證書、泳衣同高跟鞋，指自己係哥倫比亞大學讀計數機科學及環境生物學。
由藝人Uncle黃竣鋒（前名黃集鋒）提名嘅吳詠婷（Anna），亦心口驚現大撻紅印，佢就稱係搭車時被安全帶勒到心口紅卜卜，由上次面試到依家已減走1.5 KG。有「翻版舒淇」之稱嘅譚筱白亦第二次面試，今日佢以特別妝容示人：「因為想突破啲，唔怕太出位。（評審對你有咩評語？）大家傾吓偈。今日妝扮自己諗，平時鍾意誇張妝容。（港姐未必可以太誇張？）大家取個中間位置。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
