港姐今日進行第二輪面試，原來有唔少佳麗臥虎藏龍，其中由溫哥華返港嘅陳曉彤（Cindy），原來去年曾經選過溫哥華華裔小姐，上月袁偉豪到溫哥華登台時，更有幸代表電視台上台獻花，26歲嘅佢本身係學霸一名，於加拿大著名嘅卑詩大學（University of British Columbia）音樂系碩士畢業，係唔少華姐包括鍾嘉欣、鄧佩儀、李亞男等人嘅師妹。
另一位有料佳麗賴佩琳報稱娛樂記者，曾於金像獎訪問劉青雲，但其實演藝學院畢業嘅佢原來係鋼琴大師劉詩昆嘅高徒，經常到劉府作客，又陪伴師傅受訪，鋼琴造詣卓越嘅佢亦曾演出大大小小嘅演奏會，氣質高貴之外，私底下她又不時分享名牌手袋、內地豪宅及名車等，生活奢華。
與此同時，有唔少佳麗身材取勝，曾選過亞姐、與阿儀同屆嘅孫伊，近年樣貌精緻不少，而且社交網不乏火辣性感照，上圍幾乎Big爆衫！同樣來勢「胸胸」嘅仲有以低胸裝上陣面試嘅Silvia，佢社交網靚相唔多，但其中一輯泳照，高抄谷出3吋長事業線，夠晒吸睛。至於藝人趙璧渝妹妹趙穎琪經常周遊列國去旅行，社交網有大量打卡靚相，最煞食係一對長腿，佢仲曾經巧遇張敬軒及陳卓賢（Ian）並成功集郵，認真令人羨慕。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
