袁澧林（Angela）今日（19/6）現身尖沙咀出席行李箱品牌活動。講到去旅行，Angela就自爆個性大頭蝦，經常遺失行李箱，導致行程受阻：「其實唔見 ...
袁澧林（Angela）今日（19/6）現身尖沙咀出席行李箱品牌活動。講到去旅行，Angela就自爆個性大頭蝦，經常遺失行李箱，導致行程受阻：「其實唔見行李對我嚟講已經唔係咩新鮮事嚟，試過有一次去日本做嘢時候，因為掛住趕行程，加上個人實在太攰又冇瞓過覺，在冇為意下，我將隨身行李留咗喺架飛機度，當我知道自己冇攞到個行李，我係好驚，因為個行李度有個名牌手袋，而個袋係嗰間名牌店借俾我用，個刻心諗千祈唔好唔見。去到日本機場，聯絡咗相關航空公司，期間我不斷祈禱，希望我會得搵得返。經過3個小時，我終於搵得返個行李，我當時嘅心情簡直係如釋重負。」
