6月14號即係農曆四月廿七，今日最啱祭祀、結網同栽種，幸運顏色係紅色，最旺生肖係狗，屬狗嘅人桃花旺，單身人士好易遇到唔錯嘅對象，屬狗嘅華姐冠軍余思霆，不嬲身材一流，擁有豐滿C Cup上圍同一對大長腿，自從同朱敏瀚分手就狂派福利，無論係拍電視節目，定係自己嘅社交網頻道，都不停比堅尼上陣，真係引死男士們。佢又靚又索肯定大把男仔追，雖然就話依家享受單身，不過你今日咁有桃花運，如果真係遇到適合嘅人冇理由放棄，大家都想聽到你嘅好消息，仲有屬蛇羊猴豬嘅朋友都運勢大好。
今日嘅幸運星係雙子座，你哋得到幸運之神嘅眷顧，感情生活如魚得水，雙子座嘅陳欣妍擁有34C火辣身材，不時喺社交網派福利，俘虜唔少宅男嘅心，不過佢已經名花有主，同沈震軒拍咗拖超過5年，感情非常穩定，仲經常情侶檔拍片放閃，真係羨慕死人，既然感情生活咁如魚得水，不如趁今日傾吓幾時拉埋天窗，大家都等緊你哋好消息。至於金牛座嘅朋友財運最旺，眼光好好，可以藉住投資賺一筆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|