內地頂流男星蔡徐坤，憑帥氣外形同幾乎零緋聞嘅正面形象出道至今，喺全球各地累積咗唔少死忠粉絲，未料近日就被爆出一夜情搞大圈外女性，消息震驚各界外，完美人設更係瞬間崩塌。不過隨着蔡徐坤媽咪出面指控，協助處理後續索償，亦成功上位躋身成為媽寶男之一成員，拍得住汪小菲及吳亦凡。
據知2021年5月20日C女同蔡徐坤喺北京某KTV經朋友介紹認識，並於21日凌晨發生性關係，最終導致C女懷孕。而蔡母得悉後，先係問清楚過程有冇做足安全措施，然後讓工作人員連絡C小姐，私下亦因懷疑C小姐假懷孕，繼而搵嚟私家偵探喺C小姐屋企門口安裝違法閉路電視，最終導致C小姐因不滿而爆出是次事件，目前蔡徐坤則尚未回應。
而汪小菲同前妻大S因意見不合，屢次鬧上法庭及喺社交網隔空「撕殺」，汪小菲媽咪張蘭更多次喺直播中讚揚兒子，詆毀大S一家；另外，因被網紅都美竹控訴酒桌選妃、性侵未成年嘅吳亦凡，媽咪為咗保護吳亦凡毅然指控都美竹敲詐，未料經過進一步追查後釣出一系列桃色風波，最終吳亦凡落得判刑13年收場。
本文作轉載及備份之用 來源 source: http://hk.on.cc
|
鍾意就快D Share啦！
|
|
|