今日係7月24號，農曆六月初七。適宜會友、出行，約吓朋友仔去行吓山，就最好不過。最旺生肖係猴，屬猴嘅人桃花旺，阿Jer柳應廷就係屬猴架啦，早排嘅佢忙住拍攝新歌MV，首歌就宣揚單身有幾好，而且MV靈感係嚟自電影《單身動物園》。佢話就話單身會有自己空間，做自己嘢，不過你今日桃花咁旺，話唔定會遇到合適嘅人，改變想法呢。除此之外屬兔同屬馬嘅咁多位，今日人緣好，容易有貴人力撐，發揮合作精神之餘，又可以一展才華，勿錯失良機。
今日嘅幸運之星係金牛座，運氣強到令人羨慕，應該做番啲有意義嘅事。莊思敏就係金牛座。早排就憑劇集《一舞傾城》「魚旦媽」一角，令人氣飆升，密密北上接司儀和登台Job，嚟緊佢仲會有《狀王之王》同埋《神耆小子》多套劇集等住上。早排莊思敏更乘勝狙擊以「抵價」入手的士牌投資，她聲稱是近10年最低，不過門檻都要超過400萬，今日運氣咁強，投資可能有斬獲！另外山羊座各方面嘅運勢都唔錯，但切記唔好得意忘形。
本文作轉載及備份之用 來源 source: http://hk.on.cc
|
鍾意就快D Share啦！
|
|
|