前港姐亞軍龐卓欣生活富貴，積極經營網紅事業嘅佢，呢日拍片自爆竟慘墮網上騙局，損失5位數，佢表示：「我3日就畀人呃咗7萬蚊，我覺得自己好蠢，好丟臉，但係諗諗吓覺得應該要講出嚟，唔好畀呢啲呃錢嘅人受益！」佢續指上周收到自稱中介公司嘅訊息，問佢有冇興趣網上遙距工作，由於佢8年前曾透過該機構尋找工作，故放下戒心接受邀請，隨後有另一名女性聯絡佢，稱到某品牌網站每日評論45個產品，完成30日後就可獲2萬4千元底薪。
初時佢的確收到佣金，但對方稱若想每日評論更多產品以獲取更多佣金，要先支付按金，完成後才全數退還，本身佢半信半疑，但見首兩日都成功取回按金及佣金，故繼續相信對方，豈料第3日，對方聲稱佢成功中獎，不斷獲取更多評論機會，但每次都要先支付過萬元按金，若中途退出則會作廢，最終佢支付了7萬元，才醒覺報案，但有關方面指難以追回損失金額。佢坦言今次損失慘重，上咗人生重要一課：「我係真係蠢咗，點解人哋搵我做嘢，我要過錢呢？真係唔合理。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|