今日係7月13號，即係農曆五月廿六，適合祭祀、掃舍同理髮，即係今日好適合整理吓屋企。最旺生肖係羊，屬羊嘅人今日財運亨通，有利傾生意，開單冇難度。
吳卓羲就係屬羊，43歲嘅佢呢幾年北上發展密密搵食，之前參加真人騷《披荊斬棘2》同《大灣仔的夜2》，喺內地人氣急升，更憑住爽直嘅性格圈粉無數，獲內地網民加封「港圈顏值天花板」，話佢比好兄弟黃宗澤同林峯更加靚仔。
近日吳卓羲到廣州出席品牌活動，當日佢着住全白色西裝，竟然有粉絲誤認佢係林峯，仲大叫：「林峯，你好靚仔呀！」不過佢都照同粉絲點頭。咁有人氣，EQ仲咁高，話唔埋今日又有新嘅工作機會，一定繼續財運亨通。
今日嘅幸運星係射手座，各方面運勢都不錯，可以迎嚟愉快嘅一日。「台灣第一名模」林志玲就係射手座，前排佢上咗蔡康永嘅節目宣布要退出演藝圈，想專注家庭陪伴小朋友，連佢老公AKIRA都親口承認林志玲想留喺屋企，之後可能會轉做幕後工作。今日有屋企人陪伴，林志玲一定會度過非常美好一日。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
