MIRROR人氣王姜濤近日忙於排練下月演唱會，今日仍抽空接受鄭裕玲（嘟嘟）電台節目《口水多過浪花》訪問，電台門口有逾半百「姜糖」等候，下午3時左右，姜濤乘座保母車抵達電台，粉絲湧入內包圍保母車。全身黑色裝束的他落車，臉帶微笑與粉絲揮手及鞠躬，入𨋢前不停與粉絲揮手，有粉絲指姜濤瘦咗，亦有媽媽帶同正在放暑假的9歲女兒來追星，表示己買了演唱會飛。
下午4時半左右，姜濤受訪完畢，準備離去時刻意走近門外等候的粉絲，並化身「黃大仙」，對粉絲有求必應，隔着欄杆與粉絲握手、收信及簽名，儼如舉行fans meeting，有粉絲見到姜濤真人興奮大叫靚仔，姜濤登上保姆車離開後，粉絲重看姜濤的照片依然十分回味，夾雜歡笑聲。
節目中，姜濤交代腳傷狀況，指有Keep住做復康治療，又透露入行前曾整斷軔帶，現已錯過修補時機：「嗰陣喺台灣打交流賽，一上場畀人撞一下就斷咗，返嚟2年先知，我知就算駁咗都好難好得番。」他續指現靠衝擊波治療，又笑言經歷過受傷及是是非非後，開始相信風水：「原來呢行風水幾靈，我以前唔信，我依家信，我應該今年開始犯大歲犯得好應，一來受傷，另外有各種報道，是是非非，今年應該最多。」
提到負面新聞接踵而來，他表示：「報道講我唔緊要，但講到家人同身邊工作人員，影響到人哋就覺得好對唔住大家，我就人工包埋，但無辜嘅人受影響我就有啲內疚。」問到是否包括近日工作人員被指是其女朋友，他謂：「係呀！好多工作人員都知我咩人，只不過人哋生得高啲，靚啲就咁寫人，我就覺得好內疚。（大家對住工作時間咁長，會CLOSE啲?）係呀！好多都係公眾場合，但冇辦法，我依家係公眾人物，惟有收埋多啲，多啲注意，都係嗰句，我人工包埋，都冇乜私生活可言。」嘟嘟建議看開一點，他謂：「啲人純粹攻擊你，自己做番好就得。（而家開心嗎？）OK一般啦，我唔可以呃大家話我今年好開心，但會朝住自己方向去行。」問覺得為何自己咁受歡迎，他指聽FANS說除了工作外，人品都好重要：「我知自己負能量都好犀利，都會注意，做呢一行都係一個課題，所有考驗我會跨過去。」
至於講到演唱會前閉關，他指沒有玩社交網幾個月，自己可以專心工作，專注準備演唱會。說到今次SOLO開騷，他指：「都係一個課題，做歌手一定想有自己嘅演唱會，好多謝好多人幫我，有啲好仰慕嘅人都有幫我，大家知佢幫我都會好surprise，係舞蹈方面，呢個真係大師級，本來佢都唔得閒，但都抽時間幫我。」嘟嘟笑言識佢以嚟今日穿得最薄，他就笑指：「我唔想每一次做訪問都着得好隆重，我覺得唔需要，今日就咁屋企着出嚟，服裝師同我拗咗好耐，話唔可以咁，平時唔係咁着，我只想大家專注個訪問。（想有轉變？）入行咁耐，知道自己咩狀態最舒服，依家天氣熱，自己舒服最緊要。（自己揸番多啲主意？）會呀！不嬲自己都有好大自主權，生活、打扮方面都希望多啲諗法，表達到自己。」
談及演唱會服裝請來不同服裝師幫忙，嘟嘟直指他身形體重經常有變化，他直認：「受傷一排冇做運動，自己壓力下係咁食嘢！（你飲水都會肥？）我呢杯水都冇飲過，自己努力依家唔開心嘅程度連食嘢都唔想食。（好受人影響？）做呢行，冇辦法，我媽咪話做呢行要多謝任何一個攻擊、讚美，要肯去聽，佢依家都好識睇social media。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|