型男謝霆鋒自從同張栢芝離婚之後，大仔謝振軒（Lucas）同二仔謝振南（Quintus）都係由栢芝照顧，不過比較少同兩個仔互動嘅霆鋒，早前就帶咗大仔Lucas去澳洲滑雪，兩父子激罕同框，兩父子去到滑雪場瘋狂被粉絲集郵，有網友仲捕捉到霆鋒跪地教Lucas滑雪嘅照片，佢哋嘅互動似足兄弟，可見兩父子感情唔錯，而同行就未見栢芝同霆鋒女友王菲蹤影。
而咁啱又就有網民晒出於澳洲野生捕獲栢芝嘅照片，戴上黑超嘅栢芝以紅色衛衣上陣、滿面笑容對鏡頭晒V，心情唔錯，唔少網民紛紛估佢將會同前夫謝霆鋒以及大仔Lucas會合，引起網民哄動，留言：「天啊，不會和謝霆鋒見面吧。」仲祈求一對「過氣夫妻」世紀同框添，不過根據該網友發文的定位顯示喺澳洲布里斯班（Brisbane），同霆鋒兩父子身處嘅墨爾本有段距離。
張栢芝經理人Emily於其開設之網上節目《鏡生活》回應有關栢芝與霆鋒同於澳洲之謎，她指栢芝只是跟屋企人去澳洲探親，畀網友集郵，令大家知道她與霆鋒同於澳洲，才傳言四起，其實她沒有打算講太多，只是不想媒體將傳聞冇限發酵，所以先說一說，至於霆鋒與栢芝會否復合?Emily表示：「而家幾點?瞓吓覺先啦。」並指若有復合一事，雙方定必會在社交平台公布，不會只是個別傳媒去寫。
本文作轉載及備份之用 來源 source: http://hk.on.cc
|
鍾意就快D Share啦！
|
|
|