內地新疆維吾爾族出名多靚女，其中最具代表性嘅「新疆美女」相信非迪麗熱巴及娜扎莫屬，而尋日（25日）迪麗熱巴同娜扎嘅社交網，都不約而同咁晒出一系列「深山系女神」嘅唯美靚相，各不相讓嘅盛世美顏，搞到粉絲都唔知睇得邊位先呀！
有「新疆四美」美名嘅娜扎，繼早前返家鄉探訪小學後，近日又再重返家鄉宣傳當地特色文化，雖然娜扎打扮樸素、淡妝上鏡，不過精緻五官同天生麗質嘅佢仍然相當搶Fo，引嚟唔少網友激讚「維納斯女神」。
而身為「新疆四美」之首嘅迪麗熱巴，則喺社交網晒出一系列深山「火鳳凰」靚相，只見身穿鮮紅色公主裙大騷香肩鎖骨嘅迪麗熱巴，除打扮雍容華貴外，仲激罕化濃妝，迷人電眼及烈燄紅唇惹人遐想之餘，粉絲竟然唔賣帳，直批攝影師及迪麗熱巴嘅工作室「糟蹋」咗佢：「這位攝影師以后可以不用合作了！」、「這攝影拍的甚麼東西？」、「這位攝影師看起來，隔行如隔山。」、「你最近怎麼了呀？」、「這攝影是甚麼鬼？直接放花絮吧！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
