繼出爐冠軍港姐莊子璇爆是非後，隨即輪到亞軍兼最上鏡小姐王怡然都流出黑材料，有內地網民在社交平台爆王怡然父母大鑊，指控其雙親傳是內地「補習天王」，於10多個城市經營補習社，不過拖欠員工工資及騙取學費，苦主勝訴都得不到賠償，舉家捲款逃去香港 ，而另一網友指傳其父母於2020年其經營培訓機構倒閉，共欠數千萬人民幣後「走佬」。
有苦主不滿無綫沒做好家庭背景審查，讓疑「騙財家庭」的女兒王怡然奪獎，望無綫主持公道，如查明屬實後，應褫奪其亞軍名銜。而王怡然今日現身尖沙咀出席活動，對於爆料指控，她表示：「其實呢啲嘢都係佢嘅私人事，我就唔方便透露，同埋我有睇到相關嘅留言，但我就唔想有更多嘅誤會，所以就唔方便透露。」可有構成壓力？她直認：「係有少少嘅，但我仲要生活，始終我都21歲啦，我唔可能因為一啲嘅評論而唔做嘢。」至於有苦主控訴其父母舉家捲款逃到香港，她則謂：「呢啲唔回應，因為我唔清楚。（怕唔怕被褫奪亞軍名銜？）我想講係有真有假，我都想大家自己分辨吓。」又稱父母有工作，故決賽當晚父母未有到場，且她習慣自己照顧自己，自感21歲要獨立，亦習慣一個人生活，所以不感家人不在場而有問題：「我又唔會羨慕其他佳麗有家人喺度，因為我唔係孤兒嚟。」回應後她似乎心情受影響一度落淚。
對於王怡然的傳聞，無綫方面回覆：「有關的傳言未經證實，為了避免對公眾造成誤解以及對相關人事造成損害，本台不會對這傳言作出任何回應。」
王怡然今晚接受《東張西望》訪問時，被問到父母被爆捲款逃走一事，她說：「我依家都好努力搵錢，（屋企嗰度係點樣？）其實我自己唔係咁清楚，（有冇被負面新聞影響？）睇到會有少少，所以依家我已經封鎖咗所有通知，抱歉guy，我依家唔係咁想睇，因為我睇完都冇辦法，我依家好努力工作，（有冇同爸爸媽媽聯絡？）有呀，佢哋叫我唔好咁擔心，佢哋會諗辦法，佢哋都覺得有啲內疚，因為影響到我，但係我唔想佢哋擔心，因為我都已經咁大個，希望爸爸媽媽不要太擔心。」說到此時，她忍不住遮面爆喊，並說：「Sorry！」隨即保母終止訪問，帶她離開返回後台，情緒平伏後她再受訪：「我OK，自己21歲，都要獨立啲。」
王敏慈跟Lynn都老友，對阿Lynn面對負面新聞壓力大，她都有安慰對方：「每我覺得每個人多多少少都有一啲嘅，係好正常，我哋最好都係做好自己，同埋keep住自己心態，如果你心態好上鏡都會靚啲，我哋又會傾偈，互相去鼓勵大家。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|