港姐今晚（27日）決賽，上屆港姐林鈺洧與許子萱、梁超怡及邢慧敏齊齊踏上紅地氈，即將卸任的林鈺洧表示心情矛盾，有點不捨得但又好想快些見到下一任誕生。而捲入阿Sa分手是非的梁超怡以趕入廠為由，不做訪問。
由陳豪、陳展鵬、陳山聰和蕭正楠組成的「愛妻號」港姐司儀，被問到四人是否奉旨睇女？他們說：「當然，但睇稿緊要啲。」陳豪表示第一次做港姐呢類型的司儀，大家都要適應一下，阿蕭話：「我晚晚喺度loop啲港姐相，都驚畀老婆以為我睇女仔。」陳豪跟陳展鵬的太太陳茵媺、單文柔同時港姐冠軍，展鵬更是單文柔那一屆港姐的評判之一，追問當年他是否揀定文柔做老婆？他說：「唔係，但當時做評判我的而且確係揀單文柔，但唔係話揀佢做老婆，能夠娶到佢係緣分，係我嘅幸運。」
陳豪都被問是否一早睇定陳茵媺（Amy）做老婆？他賣口乖，仲勁冧老婆說：「唔係，娶到佢係我嘅幸運，Amy依家變咗，變得愈嚟愈靚，令到我自己都好自豪，所以我叫陳豪。」阿蕭即寸他說：「你依家應該叫陳自豪。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|