《2023香港小姐競選》16位佳麗今日（14日）齊齊穿着三點式泳裝會見傳媒，昨日（13日）自爆因壓力出疹入院的「嫩版蔡依林」莊子璇（Hilary）及疑同樣壓力爆煲將社交網清空的陳怡名都有出席活動。 上圍豐滿的陳怡名谷胸示人，大晒4吋事業線，她明顯有點緊張，行出台時有點不自然，更周身郁冇時定，要司儀陸浩明提醒她不要再郁。至於Hilary回復狀態，身上的紅疹已消退，笑容滿臉，穿着藍色泳裝示人的她，有啲睇頭。而郭珮文及胡睿涵向來身材成焦點，今日繼續不負所望，繼續搶晒風頭。期間郭珮文用頭髮遮胸，記者要求撥開時，她依然拒絕，遮住一邊胸。
Hilary受訪時透露兩日前突然無故出疹，還蔓延至全身，面部亦紅腫，即漏夜入急症室求診，經醫生診斷後為免疫力低兼壓力大，問到是否因近日負面報道纏身所致？她說：「自己覺得冇乜嘢，因為呢啲（負面報道）一直都有，但唔知點解突然間咁。（有冇覺得大壓力？）話冇一定假嘅，少少但呢個都要自己面對。」
談到其身上的紅疹退得快，莊子璇說：「因為我狂打針，住2日院打咗6、7支針。（消炎針？）我都唔個咩針，係咁畀佢打。」對於剛才在台上似腳步浮浮，她直言食藥後有副作用：「其實我有少少震，因為本來唔出得院，但我要出院，所以開咗第二啲藥畀我，啲藥有副作用係有少少眼瞓同暈。（今日個樣自然！）靠化妝咋！」更指是日一度忘記戒口，吃了一啖蝦餃，結果令面部痕癢：「初頭出疹時嚇死，因為之前試過出疹要2星期先好，但2星期後已經係決賽。（驚唔驚翻發？）都驚，今朝唔記得帶藥，即刻叫屋企人送嚟畀我。（有冇影響決賽信心？）都OK嘅！」
14號陳怡名（Zora）早前公然投訴無綫，繼再與網民罵戰，事後她雖公開就言論引起誤會道歉，不過依然被網民狙擊，日前她突然清空社交平台，疑似患有社交恐懼。Zora坦承情緒受到影響：「有好多人留言鬧我， 最多人以廣東話及英語粗口留言，話我好醜樣，又叫我滾回去！（好嬲？）依家冇啦 ，一個人鬧我就氣憤，咁多人鬧就冇所謂，佢哋都係發洩啫。我都有解釋過點解發生嗰件事（與網民駡戰），但佢哋唔聽我講，好多人淩晨3、4點冇嘢做就留言。」
問到為何將所有性感照全部「下架」？她靦腆回應：「依家好多新聞都有我啲相，大家可以上去睇。（後悔當日網民鬧交？）坦白講，我只係後悔回覆佢哋，因為我廣東話唔好，引發更多嘅誤會。我嚟咗香港3年，廣東話唔好，不過大家好包容我，參選前一直生活得開心。依家我廣東話進步咗，訪問後同我傾偈係冇問題嘅。（仲係覺得好大壓力？）係呀，因為參選前我只係素人，冇諗過咁多攝影機同新聞瞄準我。（有諗過退選？）完全冇，TVB仲叫我放心，知道我係咩人。」至於剛才出場時在台上顯得腳震，她解釋：「因為好緊張 ，怕行錯位同企唔穩 ，着泳裝係有少少唔方便。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|