▲《恐怖在線》15週年推出舞台劇《死鬼老婆》
《恐怖在線》15週年推出舞台劇《死鬼老婆》X「恐怖在線」現場版，是「鬼王」潘紹聰（Edmond）繼2014年《尋魂記》搬上劇場演出後，再臨劇場，以《恐怖在線》經典真人真事鬼故《有心人》作為藍本，改編成劇目《死鬼老婆》。
由恆仔@ToNick（趙善恆）、麥東（麥沛東）、童童@小薯茄（蔡曉童），聯同演員梁嘉進和歐芷菲演出一段淒美的故事。
每晚劇目演出完結後，下半場將由「鬼王」潘紹聰登場，將《恐佈在線》搬上舞台，即場舉行分享會，帶來全港首個劇院即場同你講鬼故，觀眾可隨時分享靈異經歷，「一齊聽，一齊驚」。舞台劇將於10月20日至10月29日在藝術中心壽臣劇院公演。
破禁忌與紙紥公仔合照
為配合鬼故元素，早前一眾演員齊集拍攝海報及造型照，他們打破禁忌與紙紥公仔排排坐影相。對於這個構思，Edmond表示想讓大家有「一睇你就明」的效果。
他說︰「紙紥公仔令人聯想到同鬼有關，將佢放喺度，無需多講都知係咩事，睇到呢張相會有啲驚。」問到Edmond首次同紙紮公仔影相有何感受？他謂︰「真係第一次咁……close，不過都冇乜嘢嘅。」
被Edmond形容有膽量的童童，笑指自己看電影《回魂夜》都會驚，今次要演出鬼故，坦言豁了出去︰「我屋企人好鍾意聽Edmond節目，自己就第一次演恐怖故事，都有啲緊張，屋企人會從旁提點我要注意啲咩。」
首次接觸鬼故事的恆仔笑指會做足「防衛」，他說︰「我會同佢（指紙紥公仔）講聲唔好意思先，都會問Edmond有冇啲水（指碌柚葉水）或吉祥物畀我帶住，心靈上有啲保護。」
本身是Edmond擁躉的麥東，穿上厚厚毛褸與紙紥公仔並肩而坐，笑指自己的「毛茸茸」造型浮誇得來有點驚喜︰「着住件褸又冇想像中咁熱，有Edmond喺度都知個主題，自己又唔係好驚，反而有點意外個造型都幾match到主題。」
最新影片推介：COLLAR專訪
精彩獎賞活動等您發掘：https://bit.ly/3ClEy1R
撰文 :TOPick柴犬出動
|
鍾意就快D Share啦！
|
|
|
