今日係8月13日農曆六月廿七，仲係「國際左撇子日」！而最旺生肖係狗，桃花旺爆單身人士好易吸引到顏值高嘅異性。「國民初戀」姚焯菲（Chantel）就係屬狗，佢早排又出新歌叫「這個姿態」，MV入面Chantel有好多破格造型壞女孩上身，仲講到明自己正值美好芳華，何必永遠做乖乖牌！雖然Chantel只得16歲，但已經公開過擇偶條件，話鍾意專一又有禮貌嘅男仔，今日你桃花咁旺真係有機會喎！唔知一班「小菲象」（粉絲名稱）會唔會支持佢呢？
今日幸運星係白羊座，你哋愛情運極好，同伴侶相處融洽會甜在心頭。女神劉心悠就係白羊座，佢今年年頭突然被踢爆同圈外男友結婚，大家都嚇一跳，心悠真係收得超埋！之後佢出席活動都笑得勁開心，明顯婚姻美滿，難怪話你同伴侶相處融洽甜在心頭啦。雖然心悠澄清咗自己冇大肚，不過講明你哋今日愛情運勁好，感情一定會再升溫隨時真係造人成功！
本文作轉載及備份之用 來源 source: http://hk.on.cc
|
鍾意就快D Share啦！
|
|
|