最近忙於飛奔各國，出席公開活動嘅內地女星范冰冰，出名愛靚唔愛命嘅佢，護膚保養比三餐更重要，而最近終於忙完回國嘅佢，亦再次喺社交網晒出一段分享護膚保養嘅影片外，頭戴髮箍素顏上鏡嘅佢亦引嚟唔少粉絲激讚天生麗質嘅同時，仲有粉絲大讚女神「好物不藏私」：「她的臉一看就非常的貴，她敢上臉的東西，那一定不會差！」並表示睇完條片都Feel到佢係真嘅有用過，唔似KOL為賺錢而介紹。
而向來甚少更新社交網嘅范冰冰，透露出Trip3個月返嚟無耐，就一直忙緊鍛煉做瑜珈，直到被工作室嘅同事催促先決定拍新影片分享佢「回春秘方」，只見頭戴髮箍素顏上鏡嘅范冰冰，皮膚光澤緊緻充滿彈性外，雪白嘅肌膚同精緻小巧嘅五官同樣艷壓群芳，不過就未知係咪早前出Trip捱夜或太攰嘅關係，眼睛就稍顯無神之餘，仲有黑眼圈及眼部浮腫嘅問題。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
